Lajme

E gjithë Shqipëria në protestë, studentët bojkot masiv në të gjitha universitetet (FOTO)

Studentët nuk ndalen, bojkot masiv dhe protesë në të gjitha universitetet e Shqipërisë

Protesta e sotme e studentëve është bërë edhe më masive.

Jo vetëm në qytetin e Tiranës, por edhe në qytetet e tjera të vendit studentët kanë bojkotuar mësimin deh kanë dalë në rrugë me pankarta dhe megafonë.

Shumë prej studenteve të rretheve kanë zbarkuar në kryeqytet dhe po marshojnë drejt Ministrisë së Arsimit.

Para kamerave ata janë shprehur të patundur për kërkesat e tyre. Studentët e Durrësit janë nusur drejt Tiranës.

Në Vlorë studentët e universitetit “Ismail Qemali” bëjnë thirrje për tu bashkuar.

Protesta vijon në Elbasan para Universitetit ndërsa dy autobusë janë nisur drejt Tiranës. Në Korçë studentët po marshojnë drejt qendrës.

Katër kërkesat e studenteve drejtuar Ministrisë së Arsimit: Anulimi i VKM per tarifa shtese, Përgjysmimi i tarifës se studimit, Përmirësimi i kushteve te konvikteve, Bordi i Administrimit te ketë numër te barabarte votash mes fakulteteve dhe Ministrisë se Arsimit, duke shtuar një¨ përfaqësues nga studentet ne bord.